Allama Iqbal Urdu Ghazal,allama iqbal best ghazal in urdu,allama iqbal ki ghazal in urdu

  Allama Iqbal Urdu Ghazal,allama iqbal best ghazal in urdu,allama iqbal ki ghazal in urdu

 وہی میری کم نصیبی وہی تیری بے نیازی 

مرے کام کچھ نہ آیا یہ کمال نے نوازی 

میں کہاں ہوں تو کہاں ہے یہ مکاں کہ لا مکاں ہے 

یہ جہاں مرا جہاں ہے کہ تری کرشمہ سازی 

اسی کشمکش میں گزریں مری زندگی کی راتیں 

کبھی سوز و ساز رومیؔ کبھی پیچ و تاب رازیؔ 

وہ فریب خوردہ شاہیں کہ پلا ہو کرگسوں میں 

اسے کیا خبر کہ کیا ہے رہ و رسم شاہبازی 

نہ زباں کوئی غزل کی نہ زباں سے باخبر میں 

کوئی دل کشا صدا ہو عجمی ہو یا کہ تازی 

نہیں فقر و سلطنت میں کوئی امتیاز ایسا 

یہ سپہ کی تیغ بازی وہ نگہ کی تیغ بازی 

کوئی کارواں سے ٹوٹا کوئی بد گماں حرم سے 

کہ امیر کارواں میں نہیں خوئے دل نوازی